કોરોનાના કેસમાં ફરી મોટો ઉછાળો, 1 લાખ 94 હજાર નવા દર્દીઓ મળ્યા

કોરોના વાયરસના કેસમાં ફરી એકવાર મોટો ઉછાળો જોવા મળ્યો છે. છેલ્લા 24 કલાકમાં દેશમાં કોવિડના 1,94,720 નવા કેસ નોંધાયા છે જે ગઈકાલ કરતા 15.9% વધુ છે. દેશમાં કોરોના સંક્રમણનો દર વધીને 11.05 ટકા થઈ ગયો છે. નવા વેરિઅન્ટની વાત કરીએ તો દેશમાં ઓમિક્રોનના કેસ વધીને 4868 થઈ ગયા છે. તેના મોટાભાગના કેસ મહારાષ્ટ્ર અને રાજસ્થાનમાં છે. છેલ્લા 24 કલાકમાં સૌથી વધુ કોરોના કેસ નોંધાતા ટોચના 5 રાજ્યોમાં મહારાષ્ટ્ર ટોચ પર છે. અહીં કોરોનાના 34,424 નવા કેસ નોંધાયા છે ત્યારબાદ દિલ્હીમાં 21,259, પશ્ચિમ બંગાળમાં 21,098, તમિલનાડુમાં 15,379 અને કર્ણાટકમાં 14,473 છે. 54.77% નવા કેસ આ પાંચ રાજ્યોમાંથી આવ્યા છે. કુલ નવા કેસોમાંથી 17.68 ટકા કેસ એકલા મહારાષ્ટ્રમાંથી આવ્યા છે. છેલ્લા 24 કલાકમાં દેશમાં 165 કોરોના દર્દીઓના મોત થયા છે જેનાથી કુલ મૃત્યુઆંક 4,84,378 પર પહોંચી ગયો છે. સૌથી વધુ મૃત્યુ દિલ્હીમાં થયા છે 23 જ્યારે મહારાષ્ટ્રમાં 22 લોકોના મોત થયા છે. કોરોનામાં ભારતનો રિકવરી રેટ હવે 96.01% છે. છેલ્લા 24 કલાકમાં કુલ 60,405 દર્દીઓ સાજા થયા છે જેનાથી દેશભરમાં સાજા થયેલા લોકોની કુલ સંખ્યા 3,46,30,536 થઈ ગઈ છે. દેશમાં હવે કોરોનાના કુલ 9,55,319 સક્રિય કેસ છે. છેલ્લા 24 કલાકમાં 1,33,873 સક્રિય કેસમાં વધારો થયો છે.