રાજકોટ પોલીસનું ગુનાખોરી ડામવાનું અનોખું શસ્ત્ર, જાહેરમાં હત્યા તો જાહેરમાં સરભરા

રાજકોટનાં જવાહર રોડ પર ગઇકાલે થયેલી હત્યાનો પોલીસે ગણતરીની કલાકોમાં ભેદ ઉકેલી ત્રણ આરોપીની ધરપકડ કરી છે. પોલીસે આજે ત્રણેય આરોપીઓનું જાહેરમાં સરઘસ કાઢ્યું હતું. જેમાં આરોપી સાજીદ ભટ્ટી, મુસ્તાક ભટ્ટી અને ઇમરાન ભાડુલાને સાથે રાખીને પોલીસે રી-કન્ટ્રક્શન કર્યું હતું. પોલીસ તપાસમાં સામે આવ્યું હતું કે, આરોપી સાજીદ ભટ્ટીની ગર્લફ્રેન્ડને મૃતક રજાક ઝુણેજાએ મિત્રતા કરવી આપવાની માંગ કરી હતી. જેને લઇને દોઢ મહિના પહેલા બન્ને વચ્ચે ઝઘડો થયો હતો. જૂના ઝઘડાનો ખાસ રાખીને આરોપી સાજીદ ભટ્ટીએ મૃતક રજાક ઝુણેજાને છરીનાં ઘા ઝીંકી હત્યા કરી નાખી હોવાનું સામે આવ્યું છે. હાલ પોલીસે આરોપીઓની જાહેરમાં સરભરા કરીને લોકોમાંથી લુખ્ખા ત્તત્વોનો ભય દુર કર્યો હતો. આરોપીઓએ પણ જે જગ્યાએ હત્યા કરી હતી ત્યાં લોકોની જાહેરમાં માફિ માંગી હતી.