સુરત શહેરમાં ફરી મહિલા ગેંગનો આતંક યથાવત

સુરતમાં કોર્પોરેટર દિનેશ કાછડિયાની મેડીકલ સ્ટોરમાં ચોરીની ઘટના બની છે ચાદર ધારી મહિલા ગેંગ મતદાનના દિવસે વહેલી સવારે ચોરીની ઘટનાને અંજામ આપી ફરાર થઇ ગયી હતી આ ચોરીની ઘટના ત્યાં લાગેલા સીસીટીવી કેમેરામાં કેદ થઇ જવા પામી છે .

સુરતમાં વરાછા વિસ્તારમાં કોંગ્રેસના કોર્પોરેટર દિનેશ કાછડિયાની રાધે મેડીકલ સ્ટોર આવેલી છે તેઓની મેડીકલ સ્ટોરને ચાદરધારી મહિલાઓએ નિશાન બનાવી હતી આ મહિલાઓ મેડીકલ સ્ટોરમાં પ્રવેશ કરી રોકડ રકમ ચોરી કરી ફરાર થઇ ગયી હતી પરંતુ આ ઘટના ત્યાં લાગેલા સીસીટીવી કેમેરામાં કેદ થઇ જવા પામી છે જેમાં સ્પષ્ટ જોઈ શકાય છે કે મહિલાઓ મેડીકલ સ્ટોરમાં પ્રવેશ કરી ચોરીની ઘટનાને અંજામ આપી રહી છે.

ઉલ્લેખનીય છે કે આ ચોરીની ઘટના મતદાનના દિવસે વહેલી સવારે બની હતી જેથી પોલીસની કામગીરી સામે પણ સવાલો ઉઠવા પામ્યા છે આ અગાઉ કાછડિયાની મેડીકલ સ્ટોરમાં અસામાજિક તત્વોએ આવી તોડફોડ કરી હતી અને હવે ફરી એક વખત ચોરીની ઘટના બનતા તેઓએ પોલીસ ફરિયાદ કરી છે હાલ પોલીસે આ મામલે તપાસ શરૂ કરી છે.