જંબુસર :  રેફરલ હોસ્પિટલમાં સ્લેબના પોપડા પડતાં દોડધામ

New Update
જંબુસર :  રેફરલ હોસ્પિટલમાં સ્લેબના પોપડા પડતાં દોડધામ

જંબુસર રેફરલ હોસ્પિટલમાં વહીવટી તંત્રની ગંભીર બેદરકારી સામે આવી છે. આજે સવારે હોસ્પિટલમાં સ્લેબના પોપડા પડતા દોડધામ મચી હતી. સદનશીબે કોઈ જાનહાની થઇ નથી. ઘટના બાદ હોસ્પિટલમાં સારવાર લઇ રહેલા દર્દીઓ અને તેમના સ્વજનોમાં ચિંતા જોવા મળી રહી છે.

Advertisment

જંબુસર રેફરલ હોસ્પિટલના મહિલા વોર્ડની છતમાંથી પોપડા ખરતાં દોડધામ મચી હતી. ઘટના બાદ દર્દીઓ અને તેમના સ્વજનોમાં ભયનો માહોલ જોવા મળી રહયો છે. બીજી તરફ હોસ્પિટલના સુપ્રિટેન્ડન્ટ ડો. એ.એ. લોહાણીનો સંપર્ક કરતાં તેમણે હોસ્પિટલની ઇમારત જ જુની હોવાનું જણાવી પોતાની જવાબદારીમાંથી છટકી જવાનો પ્રયાસ કર્યો હતો. સદનસીબે ઘટનામાં કોઇ જાનહાનિ થઇ નથી પણ કોઇના ઉપર સ્લેબનો પોપડો પડયો હોત અને ઇજા પહોંચી હોત તો કોણ જવાબદારી લેત તેવી ચર્ચા પણ દર્દીઓમાં ચાલી રહી છે.

Advertisment
Read the Next Article

હવામાન વિભાગની આગાહી: પાંચ દિવસ માછીમારોને દરિયો ન ખેડવા ચેતવણી

સૌરાષ્ટ્ર અને દક્ષિણ ગુજરાતના જિલ્લાઓમાં મધ્યમ મેઘગર્જના અને ભારે વરસાદને લઈને ઓરેન્જ એલર્ટ આપવામાં આવ્યું છે. આ ઉપરાંત બાકીના જિલ્લાઓમાં યલો એલર્ટ આપવામાં આવ્યું

New Update
હવામાન વિભાગની આગાહી

હવામાન વિભાગ દ્વારા રાજ્યમાં આગામી 7 દિવસ સુધી સામાન્યથી મધ્યમ વરસાદની આગાહી કરવામાં આવી છે. 25થી 28 મે દરમિયાન સમગ્ર રાજ્યમાં વરસાદ અને મેઘગર્જનને લઈને યલો એલર્ટ આપવામાં આવ્યું છે, સાથે જ 40થી 60 કિલોમીટરની ઝડપે પવન ફૂંકાવાની સંભાવના વ્યક્ત કરી છે. આજે વહેલી સવારથી નવસારી, વલસાડ, તાપી, સુરત સહિતના જિલ્લાઓમાં ભારે પવન સાથે વરસાદ વરસ્યો હતો સાથેજ દરિયામાં કરંટ હોવાથી મોજા ઊછળી રહ્યાં છે. તકેદારીના ભાગરૂપે જાફરાબાદના બંદરે એક નંબરનું સિગ્નલ લગાવી દેવામાં આવ્યું છે. 

Advertisment

આજે સૌરાષ્ટ્ર અને દક્ષિણ ગુજરાતના જિલ્લાઓમાં મધ્યમ મેઘગર્જના અને ભારે વરસાદને લઈને ઓરેન્જ એલર્ટ આપવામાં આવ્યું છે. આ ઉપરાંત બાકીના જિલ્લાઓમાં યલો એલર્ટ આપવામાં આવ્યું છે, જેમાં સુરત, વલસાડ, નવસારી, તાપી, નર્મદા, ભરૂચ, દમણ અને દાદરા અને નગર-હવેલીમાં ભારે વરસાદ સાથે ઓરેન્જ એલર્ટની આગાહી આપવામાં આવી છે. તો રાજકોટ, જૂનાગઢ, અમરેલી, ગીર સોમનાથ, ભાવનગર, દીવમાં ભારે વરસાદનું ઓરેન્જ એલર્ટ આપવામાં આવ્યું છે. આ ઉપરાંત ઉત્તર-મધ્ય ગુજરાત અને કચ્છમાં છૂટાછવાયા વરસાદની આગાહી કરવામાં આવી છે.

આજથી કેરળમાં વિધિવત્ ચોમાસું બેઠું છે. સામાન્ય રીતે 1 જૂને કેરળમાં ચોમાસું બેસતું હોય છે. વેલ માર્ક લો પ્રેશર આજે ડિપ્રેશનમાં પરિવર્તિત થયું છે. ડિપ્રેશન હાલ મહારાષ્ટ્ર રત્નાગિરિથી 40 કિમી દૂર સક્રિય છે. આગામી 5 દિવસ માછીમારોને દરિયો ન ખેડવા સૂચના આપવામાં આવી છે. ગુજરાતમાં ચોમાસું સમાન્ય રીતે 15 જૂનની આસપાસ બેસે છે.

Advertisment
Latest Stories