મોબાઈલમાં લોકેશન સેટિંગ બંધ હોય તો પણ ગૂગલ તમને ટ્રેક કરી શકે 

author-image
By Connect Gujarat in ટેકનોલોજી સમાચાર
New Update
મોબાઈલમાં લોકેશન સેટિંગ બંધ હોય તો પણ ગૂગલ તમને ટ્રેક કરી શકે 

લાખો યુઝર્સ જે ગૂગલ એન્ડ્રોયડનો ઉપયોગ કરે છે તેના પર તેની અસર પડશે

મોબાઈન લોકેશન હિસ્ટ્રી ઓફ થવાની સ્થિતિમાં ગૂગલની કેટલીક એપ્સ દ્વારા ઓટોમેટિકલી લોકેશન ડેટા સુરક્ષિત રાખી શકાય છે. તમે ઇચ્છો કે ના ઇચ્છો પરંતુ દિગ્ગજ કંપની ગૂગલ તમારી દરેક ગતિવિધિ પર નજર રાખી શકે છે. તમે કયાં જાઓ છો તેનો પણ પૂરો રેકોર્ડ કંપની રાખે છે. એક ન્યૂઝ એજન્સીના રિસર્ચમાં આ વાત સામે આવી છે. તપાસમાં ખબર પડી છે કે એન્ડ્રોયડ અને આઇફોનમાં ગૂગલની કેટલીક એવી સર્વિસીસ છે જે પર્સનલ સેટિંગ્સનો ઉપયોગ કરવા છતાંય તમારું લોકેશન રેકોર્ડ કરે છે.

તેનો સીધો મતલબ એ છે કે જો તમારું લોકેશન સેટિંગ બંધ છે તો પણ ગૂગલ તમારી પર નજર રાખે છે. એક્સપર્ટ્સ પ્રાઇવસી માટે તેને જોખમ ગણાવી રહ્યા છે. પ્રિંસટન યુનિવર્સિટીમાં કોમ્પ્યુટર સાયન્સમાંથી રિસર્ચ કરી રહેલાં શોધકર્તાઓએ આ અંગેની પુષ્ટિ કરી છે. ગૂગલનું કહેવું છે કે આનાથી કંપનીના એ રેકોર્ડ રાખવામાં સુવિધા થશે કે યુઝર અત્યારે કયાં છે. ગૂગલે પોતાના સપોર્ટ પેજ પર આ અંગે લખ્યું છે કે લોકેશન હિસ્ટ્રી ઓફ કર્યા બાદ પણ તમે કયાં જઇ રહ્યા છો તેને ગૂગલમાં સ્ટોર કરી શકાતું નથી. આ સાચું નથી.

આ નવી વ્યવસ્થા બાદ લાખો લોકોને પ્રાઇવસી પર અસર પડશે. લાખો યુઝર્સ જે ગૂગલ એન્ડ્રોયડનો ઉપયોગ કરે છે અને આઇફોનમાં ગૂગલ મેપનો ઉપયોગ કરે છે તેના પર તેની અસર પડશે. પ્રિંસટન યુનિવર્સિટીના પૂર્વ ફેડલ કમિશન ઇન્ફોર્સમેન્ટ બ્યુરોના ચીફ ટેકનોલોજીસ્ટનું કહેવું છે કે યુઝર્સ દ્વારા લોકેશન ડેટા ઓફ કર્યા બાદ પણ તેને ટ્રેક કરવું ખોટું છે. જો તમે યુઝરને લોકેશન હિસ્ટ્રી ટર્ન ઓફની સુવિધા આપો છો તો એ સંપૂર્ણપણે રેકોર્ડ બહાર જ હોવી જોઇએ.

ગૂગલનું આ અંગે કહેવું છે કે ગૂગલ પોતાના યુઝર્સને શ્રેષ્ઠ સુવિધા આપવા માટે લોકેશનનો ઉપયોગ અલગ રીતે કરી શકે છે. તેમાં લોકેશન હિસ્ટ્રી, વેબ એન્ડ એપ એક્ટિવિટી અને બીજા ડિવાઇસ લેવલ લોકેશન સર્વિસ છે.

Related Articles
Read the Next Article

iPhone 17 Air ની પહેલી ઝલક, જુઓ ડિઝાઇનથી શું ખાસ હશે

એપલ ટૂંક સમયમાં તેની નવી iPhone 17 સિરીઝ લોન્ચ કરવા જઈ રહી છે. રિપોર્ટ્સમાં કહેવામાં આવી રહ્યું છે કે આ વખતે પણ સપ્ટેમ્બર મહિનામાં નવી સિરીઝ લોન્ચ થઈ શકે છે.

author-image
By Connect Gujarat Desk in ટેકનોલોજી સમાચાર
New Update
iphone auir

એપલ ટૂંક સમયમાં તેની નવી iPhone 17 સિરીઝ લોન્ચ કરવા જઈ રહી છે. રિપોર્ટ્સમાં કહેવામાં આવી રહ્યું છે કે આ વખતે પણ સપ્ટેમ્બર મહિનામાં નવી સિરીઝ લોન્ચ થઈ શકે છે. જોકે, આ વખતે પ્લસ મોડેલને બદલે iPhone 17 સિરીઝમાં એક નવી એન્ટ્રી થઈ શકે છે, જે ખૂબ ચર્ચામાં છે. હા, એવું કહેવામાં આવી રહ્યું છે કે આ વખતે એકદમ નવો iPhone 17 Air પણ લોન્ચ થઈ શકે છે જે Appleનો સૌથી પાતળો iPhone હશે.

તે જ સમયે, તાજેતરમાં એક ટિપસ્ટરે ફોનનો એક હેન્ડ્સ-ઓન વીડિયો શેર કર્યો છે જે બતાવે છે કે iPhone 17 Airનો લુક કેવો હોઈ શકે છે. જો કે, તે એક ડમી યુનિટ જેવો દેખાય છે, જે દર્શાવે છે કે તે અલ્ટ્રા-સ્લિમ પ્રોફાઇલ સાથે આવશે. ચાલો જાણીએ તેના વિશે...

iPhone 17 Air ની પહેલી ઝલક જોવા મળી

વાસ્તવમાં X પર તાજેતરમાં એક વીડિયો પોસ્ટ કરવામાં આવ્યો છે જેમાં iPhone 17 Air ની પહેલી ઝલક જોવા મળી છે. વીડિયોની અંદર, ફોન મેટ બ્લેક ફિનિશમાં સંપૂર્ણપણે નવી ડિઝાઇન સાથે જોઈ શકાય છે. સિંગલ કેમેરાવાળા ડિવાઇસની પાછળ એક પૂર્ણ-પહોળાઈનો કેમેરા બાર પણ દેખાય છે. અહેવાલો કહે છે કે તે 48MP પ્રાથમિક લેન્સ હોઈ શકે છે.

ફોન ફક્ત 5.5mm જાડા હશે

આ એપલની પ્રો શ્રેણીમાં મળતા મલ્ટિ-લેન્સ સેટઅપથી અલગ હશે. આ ડિવાઇસ ખૂબ જ આકર્ષક ડિઝાઇન આપી શકે છે. આ ઉપરાંત, સપ્લાય ચેઇન વિશ્લેષક મિંગ-ચી કુઓને ટાંકીને અહેવાલો દાવો કરે છે કે તેની જાડાઈ ફક્ત 5.5mm હોઈ શકે છે, જે તેને iPhone 16 Pro કરતા ઘણી પાતળી બનાવશે.

કંપની કેટલીક સુવિધાઓ દૂર કરી શકે છે

કેટલાક અહેવાલોમાં એવું પણ કહેવામાં આવી રહ્યું છે કે પાતળા ડિઝાઇનને કારણે, iPhone 17 Air માં કેટલીક સુવિધાઓ પણ ઘટાડી શકાય છે. ડિવાઇસમાં સિંગલ સ્પીકર અને ભૌતિક સિમ સ્લોટ દૂર કરી શકાય છે. આ ઉપરાંત, બેટરી ક્ષમતા પણ ઘટાડી શકાય છે. એટલું જ નહીં, હાઇ-એન્ડ મોડેલોમાં મળતા A19 Pro ચિપસેટને બદલે A19 ચિપ સાથે ડિવાઇસ જોઈ શકાય છે.

#CGNews #technology #Apple #New Smartphone #iPhone series #Design