Connect Gujarat
ગુજરાત

રાજકોટ : ASI ખુશ્બૂ કાનાબારે મૃત્યુના 2 દિવસ અગાઉ પોલીસ સ્ટેશનમાં લીધા હતા ગરબા, યોજાઈ હતી પાર્ટી

રાજકોટ : ASI ખુશ્બૂ કાનાબારે મૃત્યુના 2 દિવસ અગાઉ પોલીસ સ્ટેશનમાં લીધા હતા ગરબા, યોજાઈ હતી પાર્ટી
X

ગુરુવારનો દિવસ રાજકોટ પોલીસ માટે શર્મસાર અને દુઃખદાયી સાબિત થયો હતો. કારણકે શહેરના યુનિવર્સિટી પોલીસ સ્ટેશનમાં ફરજ બજાવતા ASI ખુશ્બૂ કાનાબાર અને કોન્સ્ટેબલ રવિરાજ સિંહ જાડેજા દ્વારા આપઘાત કર્યાના સમાચાર સામે આવ્યા હતા.

પ્રથમ તો પોલીસે આ મામલે બંને દ્વારા આપઘાત કર્યા હોવાનું પોલીસ ચોપડે નોંધ્યું છે. તો સાથે જ વધુ તપાસ કરતા આપઘાત જે ફ્લેટ માં થયો ત્યાંથી કુલ બે સર્વિસ રિવોલ્વર મળી હોવાનું સામે આવ્યું છે. જે બે પૈકી એક સર્વિસ રિવોલ્વર મૃતક ASI ખુશ્બૂ કાનાબાર ની હતી. જ્યારે કે અન્ય સર્વિસ રિવોલ્વર તેના સાથી કર્મી અને બેચમેટ વિવેક કુછડીયા નો હોવાનો ખુલાસો થયો છે. પોલીસે આ મામલે ફ્લેટ પર પ્રથમ પહોંચનાર મૃતક રવિરાજ સિંહ જાડેજાના સાડા ની પણ પૂછપરછ શરૂ કરી છે. તો સાથે જ પોતાની સર્વિસ રિવોલ્વર ફ્લેટ પર ભૂલી જનાર વિવેક કુછડીયા ની પણ પૂછપરછ શરૂ કરી છે.

ત્યારે હાલ સોશિયલ મીડિયામાં એક વિડીયો વાઇરલ થયો છે. જેમાં મૃતક ASI ખુશ્બૂ કાનાબાર યુનિવર્સિટી પોલીસ સ્ટેશનમાં યોજાનાર બર્થડે અને રિટાયરમેન્ટ પાર્ટીમાં ભાગ લીધો હતો. આ બર્થડે પાર્ટી ખુશ્બૂ ના મૃત્યુના બે દિવસ પહેલા યોજાઈ હતી. ત્યારે હાલ આ વીડિયો સોશિયલ મીડિયામાં ખૂબ વાઇરલ થઈ રહ્યો છે.

Next Story
Share it