અમિતાભ બચ્ચન અને રશ્મિકા મંદાન્નાની ફિલ્મ 'ગુડ બાય'નો ફર્સ્ટ લૂક થયો રિલીઝ, આ રીતે હશે ફિલ્મની સ્ટોરી

સાઉથ ફિલ્મ ઇન્ડસ્ટ્રીથી નેશનલ ક્રશ સુધીની સફર કરી ચૂકેલી અભિનેત્રી રશ્મિકા મંદાન્ના હિન્દી ફિલ્મોમાં ડેબ્યૂ કરવાને લઈને ઘણી ચર્ચામાં છે. રશ્મિકા મંદાન્ના હિન્દી ફિલ્મ ઈન્ડસ્ટ્રીમાં અમિતાભ બચ્ચન સાથે ગુડ બાય સાથે ડેબ્યૂ કરવા જઈ રહી છે. હવે મેકર્સે શનિવારે તેમની ફિલ્મનું પહેલું પોસ્ટર રિલીઝ કરીને ચાહકોની ઉત્સુકતા વધારી દીધી છે.

ગુડ બાયના આ પોસ્ટરમાં, શ્રી બચ્ચન અને રશ્મિકા એક સુંદર પિતા-પુત્રીની ખુશીની ક્ષણ શેર કરતા જોવા મળે છે જ્યાં તેઓ પતંગ ઉડાડીને જીવનની ઉજવણી કરતા જોવા મળે છે.

જીવનને એક તહેવાર તરીકે રજૂ કરતી આ ફિલ્મનું નિર્દેશન વિકાસ બહલે કર્યું છે. ગુડ બાયની વાર્તા એક પરિવાર અને સંબંધોની આસપાસ ફરતી જોવા મળશે, જે દિલને સ્પર્શી જશે. આ ફિલ્મ દર્શકોને હાસ્ય, હૂંફ અને આંસુની લાગણીઓ સાથે રોલર-કોસ્ટર રાઈડ પર લઈ જશે.

આ ફિલ્મમાં રશ્મિકા મંદાન્ના સાથે અમિતાભ બચ્ચન લીડ રોલમાં જોવા મળશે. રશ્મિકા અને અમિતાભ બચ્ચન ઉપરાંત, ફિલ્મમાં નીના ગુપ્તા, પાવેલ ગુલાટી, એલી અવરામ, સુનીલ ગ્રોવર અને સાહિલ મહેતા પણ મુખ્ય ભૂમિકામાં છે.

મળતી માહિતી મુજબ આ ફિલ્મમાં અમિતાભ બચ્ચન અને રશ્મિકા મંદાન્ના સિવાય નીના ગુપ્તા પણ જોવા મળશે. નીના ગુપ્તા અમિતાભ બચ્ચનની પત્નીની ભૂમિકા ભજવશે. આ પહેલીવાર છે જ્યારે અમિતાભ બચ્ચન અને નીના ગુપ્તા સાથે જોવા મળશે. માત્ર રશ્મિકા જ નહીં પરંતુ નીના ગુપ્તા પણ અમિતાભ બચ્ચન સાથે પહેલીવાર કામ કરવાને લઈને ખૂબ જ ઉત્સાહિત છે.

ગુડ કંપની સાથે મળીને એકતા કપૂરના બાલાજી મોશન પિક્ચર્સ દ્વારા નિર્મિત, ગુડબાય 7 ઓક્ટોબર, 2022ના રોજ વિશ્વભરના સિનેમાઘરોમાં રિલીઝ થવાની છે.