જો તમે તમારા ચહેરા પર રહેલ ખીલ અને કરચલીઓને દૂર કરવા માંગો છો, તો બનાવો ગોળનું ફેસ માસ્ક

ઔષધીય ગુણોથી ભરપૂર ગોળ સ્વાસ્થ્ય માટે જેટલો ઉપયોગી છે તેટલો જ તે ત્વચા માટે પણ ઉપયોગી છે. ગોળ ત્વચાની ઘણી સમસ્યાઓને દૂર કરે છે. એન્ટી-ઓક્સીડેન્ટથી ભરપૂર ગોળ ફ્રી રેડિકલ સામે લડવામાં મદદ કરે છે, જેથી ચહેરા પર વધતી ઉંમરના ચિહ્નો દેખાતા નથી. ગોળનું પેક ચહેરાના ડાઘ અને ડાર્ક સ્પોટ્સને દૂર કરવામાં ખૂબ જ અસરકારક છે. ત્વચા પર ટોનિક જેવું સારું કામ કરે છે, તેના ઉપયોગથી ચહેરા પરના ખીલ દૂર થાય છે, સાથે જ ત્વચા કોમળ પણ રહે છે. ગોળનો ફેસ પેક ત્વચામાં ચમક લાવે છે.તો ચાલો જાણીએ કે ગોળનું પેક કેવી રીતે તૈયાર કરવું અને તેનાથી ત્વચાની કઈ સમસ્યાઓનો ઈલાજ થશે.

જો તમે ચહેરાના ખીલથી પરેશાન છો, તો ગોળનો ફેસ પેક લગાવો, અને કઈ રીતે બનાવશો

ગોળના ફેસ પેક બનાવવાની સામગ્રી :-

1 - ચમચી ગોળ, 1 ચમચી ટમેટાંનો રસ ,1 ચમચી લીંબુનો રસ, થોડી હળદર

આ ફેસ પેક બનાવવાની રીત :-

સૌથી પહેલા એક ચમચી ગોળ, એક ચમચી ટામેટાંનો રસ, એક ચમચી લીંબુનો રસ અને એક ચપટી હળદરને સારી રીતે મિક્સ કરીને પેસ્ટ તૈયાર કરો. તૈયાર કરેલી પેસ્ટને 10-15 મિનિટ માટે ચહેરા પર સારી રીતે લગાવો. 15 મિનિટ પછી ચહેરાને હૂંફાળાથી ધોઈ લો. અઠવાડિયામાં ત્રણથી ચાર વાર આ પેક લગાવવાથી ચહેરા પરના ખીલથી છુટકારો મળશે.

ચહેરા પરની ઝીણી કરચલીઓને ઘટાડવા માટે ગોળનો પેક તૈયાર કરો

સામગ્રી:

1- ચમચી ગોળ પાવડર , 1 - એક ચમચી મધ, 1- ચમચી લીંબુનો રસ

પેસ્ટ બનાવવા માટે એક ચમચી ગોળ પાવડર લો, તેમાં એક ચમચી મધ અને થોડા ટીપાં લીંબુનો રસ ઉમેરો. તૈયાર કરેલી પેસ્ટને ચહેરા પર 10-15 મિનિટ માટે લગાવો. 15 મિનિટ પછી ચહેરાને હૂંફાળા પાણીથી ધોઈ લો. વૃદ્ધત્વ વિરોધી ગુણધર્મોથી સમૃદ્ધ, આ પેક ચહેરા પરથી ઝીણી રેખાઓ દૂર કરે છે, સાથે સાથે ત્વચાને કુદરતી રીતે નરમ બનાવે છે.