Connect Gujarat
ગુજરાત

ગાંધીનગર : પોર્ન ફીલ્મ અને દારૂએ બનાવ્યો "હેવાન", બાળકીની હત્યા કરી આચર્યું દુષ્કર્મ

ગાંધીનગર પોલીસે એક સિરિયલ કિલરને ઝડપી પાડયો છે. આ નરાધમે એક નહિ પણ ત્રણ ત્રણ બાળકીઓ સાથે દુષ્કર્મ કર્યું છે

ગાંધીનગર : પોર્ન ફીલ્મ અને દારૂએ બનાવ્યો હેવાન, બાળકીની હત્યા કરી આચર્યું દુષ્કર્મ
X

ગાંધીનગર પોલીસે એક સિરિયલ કિલરને ઝડપી પાડયો છે. આ નરાધમે એક નહિ પણ ત્રણ ત્રણ બાળકીઓ સાથે દુષ્કર્મ કર્યું છે અને હેવાનિયતની હદ તો ત્યારે વટી જયારે તેણે એક બાળકીને પહેલા હત્યા કરી અને બાદમાં તેના શરીરને પીખી નાંખ્યું...

ગાંધીનગર જિલ્લામાં આવેલ સાંતેજ ખાતે 3 વર્ષની બાળકી સાથે દુષ્કર્મ ગુજારવાનો મામલો પોલીસ સ્ટેશન ખાતે નોંધાયો છે. જેને લઇ સાંતેજ પોલીસ દ્વારા તપાસ શરૂ કરવામાં આવી છે. આ તપાસ દરમ્યાન પોલીસને જાણવા મળ્યું છે કે 4 નવેમ્બરે આરોપી તેના મા- બાપ ની ગેરહાજરી ઝુપડીમાં લઇ ગયો હતો જયાં તેની સાથે દુષ્કર્મ કરી બાળકીને કેનાલ પાસે ફેંકી ચાલ્યો ગયો હતો. આરોપીને ઝડપી પાડવા માટે પોલીસની 12 ટીમો કામે લાગી હતી અને એક ફેકટરીમાં લાગેલા સીસીટીવીના આધારે આરોપીના સગડ મળ્યાં હતાં અને પોલીસે વિજય ઠાકોર નામના આરોપીને ઝડપી પાડયો...

આરોપી વિજય ઠાકોર જે મૂળ વાસજડા ગામનો રહેવાસી છે. આરોપીએ બે દિવસમાં કુલ 3 બાળકીઓ સાથે દુષ્કર્મ કર્યાની કબૂલાત કરી છે. જેમાં પહેલા કેનાલ પાસે એક બાળકી મળી આવી જે મેડિકલ સારવાર દરમિયાન તેની સાથે દુષ્કર્મ થયું હોવાનું સામે આવ્યું તે દરમ્યાન 5 નવેમ્બર શુક્રવારના રોજ ખાત્રજ ચોકડી પાસે માબાપ ઝુંપડામાં સુતા હતા એ દરમિયાન તેમની 3 વર્ષની બાળકીને અજાણ્યો ઈસમ ઉઠાવીને લઈ ગયો હતો. આ બીજી બાળકીની લાશ ખાત્રજ તળાવ પાસેથી પાસેથી મળી આવી હતી.

પોલીસ વિભાગની તપાસમાં વિજયજી પોપટજી ઠાકોર બાળકીનું અપહરણ કરી ગળું દબાવી હત્યા કરી દુષ્કર્મ કર્યું હતું અને બાદમાં તેની લાશ ફેંકી દીધી હોવાનું બહાર આવ્યું હતું.દુષ્કર્મના આરોપી વિજયજી ઠાકોરની ધરપકડ કરાઈ છે. ઉલ્લેખનીય છે કે, દીપાવલીના દિવસે આ આરોપીએ છ વર્ષીય બાળકીનું અપહરણ કરી બળાત્કાર ગુજાર્યો હોવાની પણ વિગતો બહાર આવી રહી છે. ત્યારે પોલીસ આવા આરોપીને વહેલામાં વહેલી તકે સજા મળે તે માટે તેની ચાર્જશીટ કોર્ટમાં ફાઈલ કરશે. અને તેને સખ્ત સજા મળે તેવો પ્રયત્ન કરવામાં આવશે તેમ ગાંધીનગર રેન્જ આઇજી અભય ચુડાસમાએ જણાવ્યું છે..

Next Story
Share it