ગુજરાતના મુખ્યમંત્રી બદલાયા ? વાંચો ભારત સરકારના આરોગ્ય મંત્રાલયે કેવો માર્યો છબરડો

ભારત સરકારના આરોગ્ય મંત્રાલયના સત્તાવાર ટવીટર એકાઉન્ટ ઉપર મોટો છબરડો સામે આવ્યો છે.

By Connect Gujarat 03 Jan 2022 in ગુજરાત Featured

New Update

ભારત સરકારના આરોગ્ય મંત્રાલયના સત્તાવાર ટવીટર એકાઉન્ટ ઉપર મોટો છબરડો સામે આવ્યો છે. આરોગ્ય મંત્રાલય વિભાગની ટવીટને સાચી માનીએ તો ગુજરાતના મુખ્યમંત્રી હજી વિજય રૂપાણી જ છે.

Advertisment

આખી ઘટના પર નજર નાંખવામાં આવે તો સોમવારના રોજથી દેશભરમાં 15 થી 18 વર્ષના તરૂણ -તરૂણીઓને કોરોનાની વેકસીન આપવાની શરૂઆત કરવામાં આવી. રાજયના મુખ્યમંત્રી ભુપેન્દ્ર પટેલ ગાંધીનગરની શાળામાં વેકસીનની કામગીરી નિહાળવા માટે પહોંચ્યાં હતાં. કેન્દ્રના આરોગ્ય વિભાગે આ ઘટનાના ફોટા અને કેપ્સન ટવીટર પર મુકી હતી જેમાં ફોટામાં ભુપેન્દ્ર પટેલ દેખાય છે પણ કેપ્સનમાં મુખ્યમંત્રી તરીકે વિજય રૂપાણીનો ઉલ્લેખ કરવામાં આવ્યો છે. અત્રે ઉલ્લેખનીય છે કે, ગુજરાતના જ સાંસદ મનસુખ માંડવીયા દેશના આરોગ્યમંત્રી છે તો તેમનો જ વિભાગ આવી ભુલ કેવી રીતે કરી શકે તે પણ સવાલ છે.