ખેડા : નડીઆદ આંગણવાડી કાર્યકર બહેનો દ્વારા અન્નપ્રાશન મંગળ દિવસની વર્ચ્યુઅલી ઉજવણી કરાઇ

સંકલિત બાળ વિકાસ યોજના હેઠળ આઇ.સી.ડી.એસ. નડીઆદ ઘટક-૧ હસ્તકના કુલ-૧૨૩ આંગણવાડી કેન્દ્રોના આંગણવાડી કાર્યકર બહેનો દ્વારા જુન-૨૦૨૧ માસના ત્રીજા મંગળવાર તા. ૧૫/૦૬/૨૦૨૧ ના રોજ અન્નપ્રાશન દિવસની વર્ચ્યુઅલી (ઓનલાઇન/વિડીયો કોલીંગ) ઉજવણી કરવામાં આવી હતી.

અન્નપ્રાશન દિવસની વર્ચ્યુઅલી ઉજવણી દરમ્યાન આંગણવાડી કાર્યકર દ્વારાં ૬ માસ પૂર્ણ થયેલ હોય તેવા લાભાર્થી બાળકના માતા તથા વાલી સાથે વિડીયો કોલીંગ મારફતે કાઉન્સીલીંગ-સંપરામર્શ કરી બાળકના ૬ માસ પૂર્ણ થયેલ બાળકની પોષણલક્ષી જરૂરીયાતો પૂર્ણ કરવા તેમજ બાળકના સર્વાંગી વિકાસ માટે ઉપરી આહારની (અર્ધ ઘટ્ટ આહાર) શરૂઆત કરવામાં આવેલ. જેમાં આંગણવાડી કાર્યકર દ્વારા લાભાર્થી બાળક માટે ઉપરી આહારની જરૂરીયાત, તેનું મહત્વ, ઉપરી આહારની બનાવટમાં વિવિધતા, બાલશકિત ટી.એચ.આર.માંથી ઉપરી આહાર તૈયાર કરવાની જાણકારી, બાળકને આહાર આપવા માટેનો સમય અને પ્રમાણ, સ્વચ્છતા, ઉપરી આહારની જાગૃતતા અંગેના ચાવીરૂપ સંદેશા માતા તેમજ પરિવારના સભ્યોને આપી જરૂરી સમજ, માર્ગદર્શન પુરૂ પાડવામાં આવ્યું હતુ. તેમ બાળ વિકાસ અધિકારીની અખબારી યાદીમાં જણાવવામાં આવેલ છે.