સાબરકાંઠા : હિંમતનગર બાયપાસ આરટીઓ પાસે અકસ્માત સર્જાયો, બે ટ્રક સામસામે ધડાકાભેર અથડાઇ
રાજ્યમાં અકસ્માતનું પ્રમાણ વધ્યું છે. રોજે કોઈને કોઈ જગ્યાએ અકસ્માત સર્જાઈ રહ્યા છે.
રાજ્યમાં અકસ્માતનું પ્રમાણ વધ્યું છે. રોજે કોઈને કોઈ જગ્યાએ અકસ્માત સર્જાઈ રહ્યા છે.ખાસ કરીને ગફલત ભર્યા ડ્રાઈવિંગ અને ઓવર સ્પીડને કારણે અકસ્માત સર્જાય છે. જેમાં ઘણી વખત લોકોના જીવ પણ જતાં હોય છે. સાબરકાંઠા જિલ્લાની જો વાત કરવામાં આવે તો સાબરકાંઠા જિલ્લામાં પણ અવાર નવાર અકસ્માતની બનાવો બની રહ્યા છે. ત્યારે વધુ એક વખત અકસ્માતની ઘટના સામે આવી છે.
સાબરકાંઠા જિલ્લાના હિંમતનગર બાયપાસ આરટીઓ પાસે અકસ્માત સર્જાયો હતો. બે ટ્રક સામ સામે ધડાકાભેર અથડાતા અકસ્માત સર્જાયો હતો. અકસ્માતને પગલે આસપાસના લોકો ઇજાગ્રસ્ત ની મદદ દોડી આવ્યા હતા. બંને ટ્રક વચ્ચે અકસ્માત થતા ડ્રાઈવરને સામાન્ય ઇજા પહોંચી હતી. બે ટ્રક વચ્ચે બીજા વ્યક્તિ ફસાતા સ્થાનિક લોકો દ્વારા બહાર કાઢી 108 દ્વારા હોસ્પિટલ ખસેડાયો હતો. અકસ્માતને પગલે ટ્રાફિક જામના દ્રશ્યો સર્જાયા હતા. અકસ્માતને પગલે પોલીસ ઘટના સ્થળે પહોંચી હતી.
