Connect Gujarat
ગુજરાત

સુરેન્દ્રનગર : રાજસ્થાન લગ્નપ્રસંગે જતાં રાજકોટના યુવાનોની કારનો બસ સાથે અકસ્માત સર્જાયો, 5 લોકોના મોત

ઇકો કારનો ખાનગી લકઝરી બસ સાથે ગમખ્વાર અકસ્માત સર્જાયો હતો. આ અકસ્માતમાં 4 લોકોના ઘટના સ્થળે જ મોત નિપજ્યા

X

રાજકોટના યુવાનો રાજસ્થાન ખાતે લગ્નપ્રસંગમાં હાજરી આપવા જતાં હતા તે દરમ્યાન સુરેન્દ્રનગર જિલ્લાના લીંબડી તાલુકાના કટારીયા ગામ નજીક તેઓની ઇકો કારનો ખાનગી લકઝરી બસ સાથે ગમખ્વાર અકસ્માત સર્જાયો હતો. આ અકસ્માતમાં 4 લોકોના ઘટના સ્થળે જ મોત નિપજ્યા હતા, જ્યારે અન્ય 2 લોકોને ગંભીર ઈજા પહોચતા સારવાર અર્થે લીંબડી હોસ્પિટલ ખસેડવામાં આવ્યા હતા. જ્યાં સારવાર દરમિયાન વધુ એકનું મોત નીપજયું

લીંબડી-અમદાવાદ હાઇવે પર અવારનવાર ગમખ્વાર અકસ્માતની ઘટનાઓ બનતી હોય છે. જેમાં પુરઝડપે દોડતા વાહનચાલકો સ્ટીયરીંગ પરનો કાબુ ગુમાવી દેતા કે, રાત્રીના અંધારામાં ઓવર ટેક કરવામાં સર્જાતા અકસ્માતની ઘટનામાં અનેક નિર્દોષ લોકોના જીવ હોમાઇ જાય છે, ત્યારે લીંબડી-અમદાવાદ હાઇવે સર્જાયેલી અકસ્માતની ઘટનામાં રાજકોટ યુવાનો રાજસ્થાન ખાતે લગ્નપ્રસંગે જતા હતા. લીંબડી તાલુકાના કટારીયા ગામ પાસે ઇકો કાર અને ખાનગી લકઝરી બસ વચ્ચે ગમખ્વાર અકસ્માતમાં 5 લોકોના કમકમાટીભર્યા મોત નિપજ્યા હતા

આ અકસ્માતની ઘટનામાં અન્ય 2 લોકોને ગંભીર ઈજાઓ પહોંચતા 108 એમ્બ્યુલન્સ મારફતે સારવાર અર્થે લીંબડી હોસ્પિટલ ખસેડવામાં આવ્યા હતા. લીંબડી અમદાવાદ હાઇવે પર અકસ્માતની ઘટનાની જાણ થતાં લોકોના ટોળેટોળા ઘટના સ્થળે દોડી જઇ બચાવ કાર્યમાં જોતરાયા હતા. બનાવની જાણ થતાં લીંબડી પોલીસ કાફલો પણ તાકીદે ઘટના સ્થળે પહોંચી વધુ તપાસ હાથ ધરી હતી. તો બીજી તરફ ગમખ્વાર અકસ્માતની ઘટનાથી લગ્નનો આનંદ માતમમાં ફેરવાયો હતો.

Next Story