ઉનાળામાં શરીરની દુર્ગંધ દૂર કરવા અપનાવો આ અસરકારક ઉપાયો...

ઉનાળો આવતા જ પરસેવાની સમસ્યા વધી જાય છે, ઉનાળામાં વધુ પડતા પરસેવાને કારણે શરીરમાંથી દુર્ગંધ આવવા લાગે છે. જેના કારણે ઘણી વખત લોકોની સામે શરમાવું પડે છે. દુર્ગંધની સમસ્યાને દૂર કરવા માટે લોકો આ ઋતુમાં ડિઓ અને પરફ્યુમનો ઉપયોગ કરે છે, પરંતુ કેટલીકવાર તેની સુગંધ પણ શરીરમાંથી આવતી દુર્ગંધ પર વધુ અસર કરતી નથી.તો આ સમસ્યાનો ઉકેલ લાવવા માટે આ વસ્તુ જરૂર એકવાર ટ્રાય કરવી જોઈએ.

1. લીંબુનો રસ લીંબુ :-

લીંબુ એન્ટી-સેપ્ટિક ગુણોથી ભરપૂર છે, જે ગંધ પેદા કરતા બેક્ટેરિયાના વિકાસને ઘટાડવામાં મદદરૂપ છે. તો આ માટે અડધુ લીંબુ લો અને તેને તમારા અંડરઆર્મ્સ પર હળવા હાથે ઘસો. તેને થોડીવાર રહેવા દો અને પછી સ્નાન કરો. બીજી રીત એ છે કે નહાવાના પાણીમાં લીંબુ નિચોવો, જેના કારણે શરીરમાંથી લીંબુની ભીની વાસ આવે છે.

2. એપલ સીડર વિનેગર :-

સફરજનનો સરકો એસિડિક હોય છે અને સાથે જ તે એન્ટી-માઈક્રોબાયલ ગુણોથી પણ ભરપૂર હોય છે. જેના કારણે તે બેક્ટેરિયાને મારીને અંડરઆર્મ્સમાં pH લેવલ ઘટાડે છે. તેના ઉપયોગથી શરીરની દુર્ગંધને ઘણી હદ સુધી ઓછી કરી શકાય છે. આ માટે એક કોટન બોલને એપલ સાઇડર વિનેગરમાં ડુબાડીને તમારા અંડરઆર્મ્સ પર લગાવો. દિવસમાં 2 વખત તેનો ઉપયોગ કરો.

3. ટામેટાંનો રસ :-

ટામેટાના રસમાં એન્ટિ-માઇક્રોબાયલ અને એન્ટિ-સેપ્ટિક ગુણ હોય છે, જે શરીરની ગંધથી છુટકારો મેળવવામાં ખૂબ અસરકારક છે. જો તમને અંડરઆર્મ્સમાં ખૂબ પરસેવો થતો હોય તો ત્યાં ટામેટાના નાના ટુકડાને ઘસો, તેનાથી આ સમસ્યા દૂર થઈ શકે છે. ગંધ પેદા કરતા બેક્ટેરિયા અને ચેપને પણ અટકાવે છે. ટામેટાંનો રસ કાઢીને તેમાં કોટન બોલ પલાળી દો અને અંડરઆર્મ્સ પર લગાવો.

4. લીમડાના પાન :-ઉનાળામાં શરીરની દુર્ગંધ દૂર કરવા અપનાવો આ અસરકારક ઉપાયો...

લીમડો શરીરની દુર્ગંધથી છુટકારો મેળવવાનો સૌથી સસ્તો અને અસરકારક ઉપાય છે. એન્ટિ-સેપ્ટિક, એન્ટિ-માઇક્રોબિયલ અને એન્ટિ-બેક્ટેરિયલ ગુણોથી ભરપૂર લીમડાના પાનનો પાવડર બનાવો. તેમાં થોડું પાણી મિક્સ કરીને પેસ્ટ બનાવો. હવે આ પેસ્ટને તમારા અંડરઆર્મ્સ પર લગાવો અને સૂકાયા પછી ધોઈ લો.