Connect Gujarat
આરોગ્ય 

જો તમે શિયાળામાં હાડકાના દુખાવાથી છો પરેશાન,તો કરો પારિજાતના પાનનું સેવન, જાણો તેના અનેક ફાયદા

ઔષધીય ગુણોથી ભરપૂર પારિજાતનો છોડ અનેક રોગોની અસરકારક સારવાર કરી શકે છે. પારિજાતને હરસિંગાર તરીકે પણ ઓળખવામાં આવે છે.

જો તમે શિયાળામાં હાડકાના દુખાવાથી છો પરેશાન,તો કરો પારિજાતના પાનનું સેવન, જાણો તેના અનેક ફાયદા
X

ઔષધીય ગુણોથી ભરપૂર પારિજાતનો છોડ અનેક રોગોની અસરકારક સારવાર કરી શકે છે. પારિજાતને હરસિંગાર તરીકે પણ ઓળખવામાં આવે છે. હરસિંગારના ખૂબ જ સુગંધિત, નાની પાંખડીઓ અને સફેદ રંગના ફૂલો માત્ર રાત્રે જ ખીલે છે, તેથી તેમને નાઇટ બ્લૂમિંગ જાસ્મીન અથવા રાત્રિની રાણી પણ કહેવામાં આવે છે. આ છોડના પાંદડાથી લઈને ફૂલો અને છાલ સુધી ઔષધીય ગુણો રહેલા છે. સંધિવાના દર્દીઓ માટે તે ખૂબ જ અસરકારક છે.

તેના પાનનો ઉપયોગ શરદી અને ઉધરસની સારવાર તેમજ પેટમાં થતાં કૃમીઓને પણ મારવા માટે કરી શકાય છે. એન્ટીઑકિસડન્ટ, બળતરા વિરોધી અને એન્ટીબેક્ટેરિયલ ગુણોથી ભરપૂર, પારિજાત ઘણા રોગો સામે લડવામાં મદદરૂપ છે. તો આવો જાણીએ પારિજાતથી ક્યા રોગોનો ઈલાજ કરી શકાય છે.

ઘુંટણના દુખાવામાંથી મળશે રાહત :-

પારિજાતના પાન, છાલ અને ફૂલ 5 ગ્રામ લઈ તેમાં 200 ગ્રામ પાણી મિક્સ કરો. ¼ પાણી રહી જાય ત્યાં સુધી તેને ગેસ પર પકાવો. તેને ગેસ પરથી ઉતારી હૂંફાળું પાણી પીવો.

શરદી અને ઉધરસ માટે શ્રેષ્ઠ ઉપચાર છે:

પારિજાતના પાનને પીસીને તેમાં મધ ભેળવીને દિવસમાં બે વાર આનું સેવન કરવાથી શરદી અને ઉધરસમાં રાહત મળશે. તેની ચા બનાવવા માટે તમે પારિજાતના પાનનો પણ ઉપયોગ કરી શકો છો. પારિજાતના પાનને પાણીમાં ઉકાળો, તેની સાથે તુલસીના પાન પણ નાખો. દરરોજ તેનું સેવન કરો, તમને શરદી અને ઉધરસમાં રાહત મળશે.

પારિજાતના પાન વડે દુખાવો અને સોજાની કરે છે સારવાર :-

પારિજાતના પાનને પાણીમાં ઉકાળીને તેનો ઉકાળો બનાવીને પીવાથી શરીરના કોઈપણ ભાગમાં દુખાવો કે સોજો હોય તો તેનાથી આરામ મળે છે.

પારિજાતના પાન પેટમાં રહેલ કૃમીઓને મારે છે :-

પારિજાતના પાન પેટના કોઈપણ પ્રકારના કૃમિને મારવામાં ખૂબ જ અસરકારક છે. તેના પાનને પીસીને તેનો રસ કાઢીને તેમાં સાકર ભેળવીને તેનું સેવન કરો, પેટ અને આંતરડામાં રહેતા હાનિકારક જંતુઓથી છુટકારો મળશે.

પારિજાતનો છોડ ઘા મટાડે છે:

બળતરા વિરોધી ગુણોથી ભરપૂર, પારિજાત કોઈપણ પ્રકારના ઘાને મટાડવામાં મદદરૂપ છે. પારિજાતના બીજની પેસ્ટ બનાવી, ફોડલા કે અન્ય સામાન્ય ઘા પર લગાવો, ઘા ઝડપથી રૂઝાઈ જશે.

Next Story
Share it