જો તમે કાપડનું માસ્ક પહેરતા હોય તો આ વાતનું ખાસ ધ્યાન રાખો

અમેરિકન કોન્ફરન્સ ઑફ ગવર્મેન્ટલ ઈન્ડસ્ટ્રીયલ હાઈજિનિસ્ટ્સના સર્વે અનુસાર, N-95 માસ્ક વાયરસના ફેલાવા સામે સૌથી વધુ રક્ષણ પૂરું પાડવા માટે શ્રેષ્ઠ છે. નિષ્ણાતો કહે છે કે જો તમે કાપડનો માસ્ક પહેરો છો, તો તેને ઉતાર્યા પછી ચોક્કસપણે તેને ધોઈ લો અને તે પછી જ તેનો ઉપયોગ કરો.

આરોગ્ય કર્મચારીઓ અને ફ્રન્ટલાઈન વર્કરો માટે N-95 માસ્ક જરૂરી છે. આરોગ્ય કર્મચારીઓ સંક્રમિતોની વચ્ચે રહે છે અને તેમને સારવાર આપે છે. જ્યારે, ફ્રન્ટલાઈન કર્મચારીઓ લોકો વચ્ચે જાહેરમાં રહે છે. તેથી જ તેમને N-95 માસ્ક પહેરવાનું સૂચન કરવામાં આવે છે. કાપડના માસ્કનો માત્ર એક સ્તર મોટા ટીપાંને અટકાવી શકે છે. પરંતુ આ એરોસોલ્સ રોકી શકતા નથી. N-95 માસ્ક વાયરસના ફેલાવા સામે મહત્તમ સુરક્ષા પ્રદાન કરવામાં શ્રેષ્ઠ છે. N-95 ના કિસ્સામાં, ચેપગ્રસ્ત વ્યક્તિએ માસ્ક ન પહેર્યું હોય તો પણ, ચેપ ફેલાવવામાં ઓછામાં ઓછા 2.5 કલાકનો સમય લાગશે. જો બંને N-95 નો ઉપયોગ કરી રહ્યા હોય, તો વાયરસ ફેલાવવામાં 25 કલાકનો સમય લાગશે. સર્જિકલ માસ્ક કાપડના માસ્ક કરતાં વધુ સારું કામ કરે છે. જો ચેપગ્રસ્ત વ્યક્તિએ માસ્ક પહેર્યું ન હોય અને બીજી વ્યક્તિ માસ્કનો ઉપયોગ કરી રહી હોય, તો ચેપ ફેલાવવામાં 30 મિનિટ લાગી શકે છે. જો બે લોકો માસ્ક પહેરતા નથી અને તેમાંથી એક ચેપગ્રસ્ત છે, તો 15 મિનિટમાં વાયરસ ફેલાઈ જશે. જો અન્ય વ્યક્તિ કાપડનો માસ્ક પહેરે છે, તો વાયરસ ફેલાવવામાં 20 મિનિટનો સમય લાગશે. જો બંનેએ કપડાના માસ્ક પહેર્યા હોય, તો ચેપ ફેલાવવામાં 27 મિનિટનો સમય લાગશે. કોઈપણ પ્રકારના માસ્ક પહેરો પરંતુ, બહારથી આવ્યા પછી તેને ધોઈ લો. પછી માસ્કનો ફરીથી ઉપયોગ કરી શકાય છે. દરેક માસ્કની પોતાની ગુણવત્તા હોય છે, પરંતુ કોઈ પણ માસ્ક તમને ભીડમાં લાંબા સમય સુધી ચેપથી સુરક્ષિત રાખી શકતું નથી. તેથી ભીડમાં જવાનું ટાળો. ચોક્કસ અંતર રાખો અને સામે ઉભેલી વ્યક્તિ સાથે વાત કરો.