IBએ સ્વતંત્રતા દિવસ પહેલા LeT, JeM તરફથી દિલ્હી પોલીસને ખતરાની ચેતવણી આપી, એલર્ટ જારી

ઇન્ટેલિજન્સ બ્યુરોએ 15 ઓગસ્ટે સ્વતંત્રતા દિવસ પહેલા લશ્કર-એ-તૈયબા (LeT), જૈશ-એ-મોહમ્મદ (JeM) અને અન્ય કટ્ટરપંથી જૂથો દ્વારા સંભવિત આતંકવાદી હુમલા માટે સૂચના જારી કરી છે.

આઈબીના 10 પાનાના રિપોર્ટમાં કહેવામાં આવ્યું છે કે લશ્કર, જૈશ અને અન્ય કટ્ટરપંથી જૂથો તરફથી ખતરો છે. રિપોર્ટમાં દિલ્હી પોલીસને 15 ઓગસ્ટે સ્વતંત્રતા દિવસ પહેલા લાલ કિલ્લા પર પ્રવેશના કડક નિયમો લાગુ કરવા નિર્દેશ આપવામાં આવ્યો છે.

જણાવી દઈએ કે આ રિપોર્ટમાં જાપાનના પૂર્વ વડાપ્રધાન શિંજો આબે પર હુમલો અને ઉદયપુર અને અમરાવતીની ઘટનાઓનો ઉલ્લેખ કરવામાં આવ્યો છે.IBએ દિલ્હી પોલીસને સતર્ક રહેવા સૂચના આપી છે. દિલ્હી પોલીસને 15 ઓગસ્ટે સ્થળ પર કડક પ્રવેશ નિયમો લાગુ કરવા માટે પણ કહેવામાં આવ્યું છે. ઉદયપુર અને અમરાવતીની ઘટનાઓનો ઉલ્લેખ કરીને, ગુપ્તચર એજન્સીઓએ પોલીસને ભીડવાળા સ્થળોએ આતંકવાદી જૂથો અને તેમની હિલચાલ પર નજીકથી નજર રાખવાનો નિર્દેશ આપ્યો છે.IBએ સ્વતંત્રતા દિવસ પહેલા LeT, JeM તરફથી દિલ્હી પોલીસને ખતરાની ચેતવણી આપી, એલર્ટ જારી

રિપોર્ટ અનુસાર, પાકિસ્તાન ISI જૈશ અને લશ્કરના આતંકીઓને લોજિસ્ટિક સપોર્ટ આપીને આતંકી હુમલાને ભડકાવી રહ્યું છે. JeM (જૈશ-એ-મોહમ્મદ) અને LeT (લશ્કર-એ-તૈયબા)ને મોટા નેતાઓ અને મહત્વપૂર્ણ સ્થળોને નિશાન બનાવવાની સૂચના આપવામાં આવી રહી છે. IBએ તેના અહેવાલમાં દિલ્હી પોલીસ અને અન્ય રાજ્યોને સ્વતંત્રતા દિવસ 2022 પહેલા કટ્ટરપંથી જૂથો પર નજર રાખવાનો નિર્દેશ આપ્યો છે. ISI દ્વારા બનાવવામાં આવેલ લશ્કર-એ-ખાલસામાં અફઘાન ફાઇટરનો સમાવેશ કરવામાં આવ્યો છે. આ આતંકી સંગઠન જમ્મુ-કાશ્મીરમાં મોટો આતંકી હુમલો કરી શકે છે.