'કભી ઈદ કભી દિવાલી'ના સેટ પર સુરક્ષામાં વધારો, ભાઈજાનની આ રીતે થઈ રહી છે કાળજી

હાલમાં જ બોલિવૂડ એક્ટર સલમાન ખાનના પિતા સલીમ ખાનને એક ધમકીભર્યો પત્ર મળ્યો હતો. આ પત્રમાં 'સિદ્ધુ મુસેવાલા જેવી હાલત' કરવાની વાત કરવામાં આવી હતી.પત્ર મળ્યા બાદ જ મુંબઈ પોલીસ એક્શન મોડમાં આવી ગઈ છે. અભિનેતાના ઘરની બહાર સુરક્ષા વધારી દેવામાં આવી છે. સાથે જ સલમાનની સુરક્ષા પણ કડક કરવામાં આવી છે.

અભિનેતા હાલમાં હૈદરાબાદમાં તેની આગામી ફિલ્મ 'કભી ઈદ કભી દિવાલી' (જેનું નામ 'ભાઈજાન' રાખવામાં આવ્યું છે)ના શૂટિંગમાં વ્યસ્ત છે. મીડિયા રિપોર્ટ્સ અનુસાર, 'કભી ઈદ કભી દિવાલી'ના સેટ પર સુરક્ષા વ્યવસ્થા ત્રણ ગણી વધારી દેવામાં આવી છે. દરેક જગ્યાએ તપાસ કરવામાં આવી રહી છે. દરેક સભ્યને પ્રવેશ અને બહાર નીકળતી વખતે સ્ક્રીનીંગ કરવામાં આવે છે. તે ગમે તે હોય.