સુરતઃ ગારમેન્ટની દુકાનમાંથી મહિલા ટોળકીએ કરી ૭૦ હજારની ચોરી

કતારગામ દરવાજા વિસ્તારમાં આવેલું છે નીલકંદ ચેમ્બર, મહિલાઓ દુકાનનું શટર ખોલીને દુકાનમાં પ્રવેશી

સુરતમાં મહિલા ચોરી ટોળકી સક્રિય બની છે. લાલગેટ આદમવાડી પાસે આવેલા અજમેરી પાર્કમાં રહેતા મોહમદ ઝાકીર કતારગામ દરવાજા પાસે ફેશન પોઇન્ટ નામની દુકાન ધરાવે છે. ગત વહેલી સવારે આશરે 5 વાગ્યાના અરસામાં કોઈ અજાણી છ મહિલાઓએ એક બીજાની મદદથી મોહમદ ઝાકીર નાં દુકાનનું આગળનું શટલ વચ્ચેથી ઊંચું કર્યું હતું.

દુકાનમાં પ્રવેશ કરીને દુકાનના ડ્રોવરનું લોક તોડી તેમાં મુકેલા રૂપિયા ૭૦૦૦૦ ની મત્તાની ચોરી કરી ફરાર થઇ ગયા હતા. આ સમગ્ર ઘટના દુકાનમાં લગાવેલા સીસીટીવીમાં કેદ થઇ હતી. ઘટનાની કતારગામ પોલીસની જાન થતા પોલીસે સીસીટીવી નાં આધારે આરોપીઓને પક્વાની કવાયત હાથ ધરી છે.