સુરત હોંગકોંગ એરપોર્ટ બંધ થઈ જતા વેપાર ઉપર પહોંચી સીધી અસર

છેલ્લા ત્રણ દિવસથી હોંગકોંગમાં બ્રિટિશ શાસન વખતના પોતાના અધિકારો જાળવી રાખવા માટે સ્થાનિકો દ્વારા થઈ રહેલા દેખાવોના પગલે હોંગકોંગ એરપોર્ટ બંધ કરી દેવામાં આવતા સુરત અને મુંબઈથી જતા ડાયમંડના 25 ટકા પાર્સલોને અટકાવી રિઝર્વ કરી દેવામાં આવ્યા છે. જેને કારણે વેપારીઓ હાલત ખૂબ જ કફોડી બની છે

હોંગકોંગના સ્થાનિક સત્તાધીશો દ્વારા છેલ્લા ત્રણ દિવસથી ચાલી રહેલા આંદોલનો અને દેખાવોના પગલે સુરક્ષાને ધ્યાને રાખીને હોંગકોંગનું એરપોર્ટ અનિશ્ચિત સમય માટે બંધ કરી દેવામાં આવ્યું છે. હોંગકોંગ સાથે વાર્ષિક 5 બિલિયન ડોલર કરતા વધુનો ધંધો કરવામાં આવે છે. સુરતની વાત કરવામાં આવે તો સુરતથી પાતળી સાઈઝના ડાયમંડ હોંગકોંગ મોકલવામાં આવે છે. એરપોર્ટ બંધ થઈ જતા વેપાર ઉપર સીધી અસર પહોંચી છે.