• સાયબર ક્રાઇમ પોલીસ જ બની સાયબર ક્રાઇમનો શિકાર

• ભેજાબાજે સાયબર ક્રાઇમ પોલીસના ઇમેલનો કર્યો ઉપયોગ

• શ્રમિકના મોબાઈલથી વાઇફાઇના આધારે કર્યો હતો ઇમેલ

• અલગ અલગ બેન્કને નાણાં અનફ્રીઝ કરવા મેઈલ કરાયા

• પોલીસ દ્વારા અમદાવાદથી ભેજાબાજની ધરપકડ સાથે તપાસ 

જો તમે કોઈ અજાણ્યા વ્યક્તિને તમારા મોબાઈલ નેટનું વાઇફાઇ આપો છો, તો ચેતી જજો... કારણ કે, તમે મુસીબતમાં મુકાય શકો છો. આવો જ એક કિસ્સો જુનાગઢ સાયબર ક્રાઇમ પોલીસ મથકના ચોપડે નોંધાયો છે. જેમાં સાયબર ક્રાઇમ પોલીસ સ્ટેશનનું જ ઇમેલ આઇડી હેક કરી ભેજાબાજે અલગ અલગ બેન્કમાં નાણાં અનફ્રીઝ કરવા ઇમેલ કર્યા હતા.

એક વર્ષ પહેલા જુનાગઢ સાયબર ક્રાઇમને આ મામલે બેંકમાંથી મેઇલ આવ્યો હોત તો જેમાં સાયબર પોલીસ સ્ટેશન દ્વારા જે ઇ-મેલ આઇડીથી મેઈલ મોકલવામાં આવ્યો હતો, તેનું વેરિફિકેશન કરવામાં આવ્યું હતું. પરંતુ સાયબર ક્રાઇમ પોલીસ સ્ટેશનને કોઈ મેઈલ બેન્કમાં ન મોકલતા આ સમગ્ર મામલો સામે આવ્યો હતો, અને પોલીસે આ મામલે તપાસ હાથ ધરી હતી, ત્યારે આજે એક વર્ષ બાદ પોલીસે બેંકને સાયબર ક્રાઇમના અધિકારી હોવાની ખોટી ઓળખ ઉભી કરનાર આરોપી વિશાલ વાણંદની અમદાવાદથી ધરપકડ કરી કાયદેસરની કાર્યવાહી કરવામાં આવી છે.

આરોપી વિશાલ વાળંદ દ્વારા જુનાગઢ સાઇબર ક્રાઇમ પોલીસ સ્ટેશનનું ઇમેલ આઇડી ઉપરથી ICICI બેંક, SBI બેંક, બેંક ઓફ બરોડા સહિત PNBને અલગ અલગ નાણાં અનફ્રીઝ કરવા માટે મેઈલ કર્યા હતા. અલગ અલગ બેંક દ્વારા કરવામાં આવેલા ફ્રીઝ એકાઉન્ટને લઈને વેરિફિકેશન માટે જુનાગઢ સાયબર ક્રાઇમ પોલીસ સ્ટેશનના ઇમેલ આઇડી ઉપર રીપ્લાય મોકલવામાં આવતા મામલાનો ઘટસ્ફોટ થયો હતો.

વિશાલ વાણદ અગાઉ અમદાવાદમાં અલગ અલગ પોલીસ સ્ટેશનમાં સાયબર ક્રાઈમ માટે મદદ કરતો હતો. પોતે સાયબર એક્સપર્ટ હોવાથી કેવી રીતે છટકી શકાય તે અંગે પણ જાણકાર છે, તેથી તેને આ સમગ્ર બનાવને લઈને મુંબઈ જઈને એક શ્રમિકને નિશાન બનાવ્યો હતો. આ શ્રમિકના મોબાઇલમાંથી પોતાના લેપટોપમાં વાઇફાઇ કનેક્ટ કરી આ બધામાં મેઈલ કર્યા હતા.

પોલીસે ટેકનીકલ સર્વેલન્સથી શ્રમિક સુધી પહોચતા વિશાળ વાણંદનું નામ ખૂલ્યું હતું. જેને લઇને પોલીસે અમદાવાદથી વિશાલ વાળંદની ધરપકડ કરી વધુ તપાસ હાથ ધરી છે. વિશાલ વાળંદએ પોતાની ઓળખ જુનાગઢ સાયબર ક્રાઇમના PSI તરીકે આપી સરકારી ઈમેઈલ આઈડી cybercrime-igp-jun@gujarat.gov.inનો દુરૂપયોગ કરી અનેક બેંક ખાતાઓમાં રોકાણ કરેલ રકમ અનફ્રિઝ કરાવી તેના બદલે એક જ ખાનગી ખાતામાં ટ્રાન્સફર કરાવવા માટે ઈમેઈલ મોકલ્યા હતા. પોલીસે આરોપી વિરુદ્ધ IPC 419, 420 કલમ હેઠળ છેતરપિંડી અને ખોટી ઓળખ તેમજ IT એક્ટની લાગુ પડતી કલમો હેઠળ કાર્યવાહી કરી છે.