અમદાવાદ: મુંબઈથી MD ડ્રગ્સની ડીલ કરવા આવેલ 2 સહિત રિસીવર ઝડપાયો
અમદાવાદ શહેરમાં MD ડ્રગ્સનો વેપાર દિન પ્રતિ દિન વધવા લાગ્યો છે. દાણીલીમડા પોલીસને બાતમી મળી હતી કે હોટલ માલવા પેલેસમાં બે વ્યક્તિ રોકાયેલા છે અને તેમની પાસે MD ડ્રગ્સ છે જે બાતમીના આધારે હોટલમાં ચેક કરતા તેમની પાસેથી ડ્રગ્સ મળી આવ્યું હતું જે વ્યક્તિ ડ્રગ્સ રીસીવ કરવા આવવાનો હતો તેની પણ દાણીલીમડા પોલીસે ધરપકડ કરી લીધી છે. પોલીસે 62 ગ્રામ ડ્રગ્સ કબજે કરી વધુ તપાસ શરૂ કરી છે.
મુંબઈથી MD ડ્રગ્સ સાથે બે શખ્સ હોટલ માલવા પેલેસમાં રોકાયા છે. જે બાતમીના આધારે હોટલમાં દરોડો પાડી 62 ગ્રામ MD ડ્રગ્સ સાથે તમને ઝડપી લીધા છે. દાણીલીમડાના રઝીન સૈયદને આ ડ્રગ્સ આપવામાં આવ્યું હતુ. જેને પોલીસે ઝડપી લીધો છે. આરોપી રઝીને પહેલા એકવાર આ જ લોકો પાસેથી ડ્રગ્સ લીધું હતું ને બીજીવાર ડ્રગ્સ આપવા આવ્યા હતા ત્યારે તેઓ ઝડપાય ગયા હતા. હોટલ માલવા પેલેસમાં મહારાષ્ટ્રના થાણેના જુબેર એપાર્ટમેન્ટમાં રહેતા ઇરફાન સૈયદ અને થાણેમાં જ રહેતા સર્જિલ સદગુરુ નામના શખ્સ બે દિવસથી MD ડ્રગ્સ સાથે રોકાયા હતા. દાણીલીમડાની છીપા સોસાયટીમાં રહેતા રઝીન સૈયદ સાથે ડ્રગ્સની ડીલ કરવાના હતા. પોલીસે 62 ગ્રામ જેટલો MD ડ્રગ્સનો મુદામાલ જપ્ત કર્યો છે.