અમદાવાદમાં વિશ્વનું સૌથી મોટું સ્ટેડિયમ નરેન્દ્ર મોદી સ્ટેડિયમ બાદ શહેરના નારણપુરા વિસ્તારમાં વિશ્વકક્ષાનું એક સ્પોર્ટ્સ સ્ટેડિયમ તૈયાર કરવામાં આવશે. કેન્દ્ર સરકાર દ્વારા તેને લીલી ઝંડી પણ આપી દેવામાં આવી છે. નારણપુરા વિસ્તારમાં વરદાન ટાવર પાસે 19 એકર જમીનમાં રૂ.584 કરોડના ખર્ચે વિશ્વકક્ષાનું કોમ્પ્લેક્સ તૈયાર થનાર છે. આ કોમ્પલેક્ષ તૈયાર થયા બાદ રાષ્ટ્રીય-આંતરરાષ્ટ્રીય અને પ્રાદેશિક રમતને પ્રોત્સાહન મળશે. એટલું જ નહીં ગુજરાતની રમત ગમત ક્ષેત્રે પણ એક અલગ ઓળખ બનશે.

આ સ્પોર્ટ્સ કોમ્પલેક્ષ નિર્માણ પ્રોજેક્ટ 6 વિવિધ ભાગોમાં વહેંચવામાં આવ્યું છે. જેમાં એક્વેટિક કોમ્પ્લેક્સ, કોમ્પ્યુનીટી સ્પોર્ટ્સ સેન્ટર, સેન્ટર ફોર સ્પોર્ટ્સ એક્સેલન્સ, ઇન્ડોર મલ્ટી સ્પોર્ટ્સ એરેના, ફિટ ઇન્ડિયા ઝોન અને આઉટડોર સ્પોર્ટ્સ નો સમાવેશ કરવામાં આવ્યો છે. તો સાથે જ કોમ્પ્લેક્ષમાં 800 ટૂ-વ્હીલર અને 850 ફોર-વ્હીલર અઘતન પાર્કિંગની સુવિધા પણ કરવામાં આવશે. ખેલાડીઓ અને પ્રેક્ષકોને વાહન વ્યવહારમાં મુશ્કેલી ન પડે તે માટે સરળ ટ્રાન્સપોર્ટેશનની વ્યવસ્થા પણ કરવામાં આવશે.

અમદાવાદ ખાતે આ સ્ટેડિયમ બનવા જઈ રહ્યું છે, જેને કેન્દ્ર સરકારે પણ મંજુરી આપી દીધી છે. સ્પોર્ટ્સ કોમ્પ્લેક્સ માટે કેન્દ્ર સરકાર દ્વારા ગ્રાન્ટ પણ આપવામાં આવનાર છે. કેન્દ્રિય નાણા વિભાગે ગુજરાત સરકારને ગ્રાન્ટ આપશે જે બાદ મ્યુનિસિપલ કોર્પોરેશન ફાળવાશે. જોકે ગ્રાન્ટ આપતાં પહેલાં કોર્પોરેશન દ્વારા NOC, જમીનનું પઝેશન અને કન્સ્ટ્રક્શન કોન્ટ્રેક્ટરને આપેલા લેટર ઓફ વર્ક ઓર્ડર જેવા દસ્તાવેજો જમા કરાવવાનો રહેશે અને ત્યારબાદ નિર્માણ કાર્ય શરુ કરવામાં આવશે.

આ સ્પોર્ટ્સ સ્ટેડિયમમાં 2 બાસ્કેટ બોલ, 2 વોલીબોલ અને 8 બેડમિન્ટન કોર્ટ, 4 ટેકવાન્ડો કોર્ટ, 4 કબડ્ડી કોર્ટ, 4 રેસલિંગ અને 12 ટેબલ ટેનિસ મેચ રમાશે. ખેલાડીઓ માટે લોન્જમાં 1 સ્પોર્ટ્સ સાયન્સ અને ફીટનેસ સેન્ટર ચેન્જ રૂમ અને લોકર ઈકવિપમેન્ટ સ્ટોર, મેડિકલ સર્વિસ સ્ટેશન, ઓડિયો-વીડિયો ફેસિલિટી સાથે ટ્રેનિંગ રૂમ, કોચ માટે 8 ડબલ રૂમ, ખેલાડીઓ માટે 89 ટ્રિપલ બેડરૂમ, 150 કોર્પોરેટ લોકો બેસી શકે તેવો ડાઇનિંગ હોલ પણ બનશે તો સાથે ઇન-ડોર ગેમ માટે વ્યવસ્થા કરવામાં આવશે.