ખેડા : કલેક્ટર દ્વારા લેન્ડ ગ્રેબિંગ કેસોની સમીક્ષા બેઠક યોજવામાં આવી હતી

ખેડા જિલ્‍લા કલેકટર કે.એલ.બચાણીનીઅધ્યક્ષતમા જિલ્લાના અધિકારીઓ સાથે લેન્‍ડ ગ્રેબીંગના કેસોની સમીક્ષા બેઠક યોજાઇ હતી. આ બેઠકમાં ખેડા જિલ્લાના જુદા જુદા તાલુકાના કુલ – ૦૯ કેસોની સમીક્ષા કરવામાં આવી હતી.

કલેકટર બચાણીએ ઉપસ્‍થિત અધિકારીઓને જરૂરી માર્ગદર્શન અને સૂચનો આપી નિકાલ કરવામાં આવ્યો હતો. સરકારની ગાઇડલાઇન મુજબ લેન્ડ ગ્રેબીંગના કેસોની કાર્યવાહી કરવા જણાવ્‍યું હતું. આ બેઠકમાં જિલ્લા વિકાસ અધિકારી મેહુલ દવે, જિલ્લા પોલીસ વડા અર્પિતા પટેલ, અધિક જિલ્લા કલેકટર બી.એસ.પટેલ તથા પ્રાંત અધિકારીઓ ઉપસ્થિત રહ્યા હતા.