કરછ: સરકારી જમીનો નેતાઓના મળતીયાઓએ પચાવી પાડી હોવાનો કોંગ્રેસનો આક્ષેપ

કોંગ્રેસનો સરકાર અને તંત્ર પર આક્ષેપ, સરકારી જમીનો પચાવી પાડી હોવાનો લગાવ્યો આરોપ.

New Update

સરહદી કચ્છ જિલ્લામાં વિશાળ પ્રમાણમાં લાખો એકર સરકારી જમીનો આવેલી છે પણ તંત્ર અને સરકારમાં સાંઠ ગાંઠ ધરાવતા લોકો આ જમીનોને પચાવી પાડી સરકારી તિજોરીને કરોડો રૂપિયાનો ચૂનો લગાવતા હોવાનો કોંગ્રેસ દ્વારા આક્ષેપ કરવામાં આવ્યો છે.

કચ્છમાં મોટું રણ અને નાનું રણ એમ બે રણ આવેલા છે મોટા રણમાં હાલ 10 જેટલી નમક કંપનીઓ અને અદાણી સોલાર પાર્ક પ્રોજેકટને જમીનો અપાયેલી છે તો નાના રણમાં મીઠાના ઉધોગો આવેલા છે પરંતુ સરકાર બંને રણમાં વ્હાલા દવલાની નીતિ અપનાવતી હોય એવા આક્ષેપ કોંગ્રેસ દ્વારા કરવામાં આવ્યા છે. કોંગ્રેસ નેતા પી.સી.ગઢવીએ જણાવ્યું હતું કે, કચ્છનાં મોટા રણમાં મીઠું અને બ્રોમીનનું સારું એવું ઉત્પાદન થઈ શકે તેમ છે જેથી હાલમાં હયાત ઉધોગો દ્વારા આ રણમાં 18 લાખ એકર જમીનની માંગણી કરાઈ છે જો આ માંગણી સંતોષાઈ જાય તો મોટું રણ નામસેશ થઈ જશે.

બીજી તરફ નાના રણમાં મીઠાના ઉધોગકારો દ્વારા દબાણ કરી રોયલ્ટી ચોરી થકી સરકારને કરોડો રૂપિયાની આવકનો ચૂનો લગાવાયો છે. સુરજબારીથી કડોલ સુધીના પટામાં 3 લાખ એકર જમીન મીઠાના ઉધોગકારોના કબજામાં છે. આ જમીન દબાણમાં છે હાઇકોર્ટ દ્વારા આ દબાણ હટાવવા આદેશ છે છતાં કાર્યવાહી થતી નથી કારણકે દબાણકારો સત્તાપક્ષ સાથે સંકળાયેલા છે અને પાર્ટીને ફંડ પહોંચાડે છે કંડલા પોર્ટની 5 ગણી એટલે કે દોઢ લાખ એકર જમીન પણ મીઠાના નમકકારોના કબજામાં છે. જો મોટા રણમાં પર્યાવરણીય મુદાને કોરાણે મૂકી કંપનીઓને જમીનો આપી શકાતી હોય તો નાના રણમાં પણ દબાણ હટાવી નવેસરથી જમીન ફાળવણી કરવામાં આવે તેવી માંગ કરાઈ છે.

Latest Stories