ભારતીય શેરબજારમાં આજે તેજી સાથે શરૂઆત, સેન્સેક્સ 250 પોઉન્ટ ઉપર ખૂલ્યો, નિફ્ટી 17170 ને પાર

ભારતીય શેરબજાર માટે આજનો દિવસ મહત્વનો છે કારણ કે દેશના વિવિધ ભાગોમાં અનેક તહેવારોની ઉજવણી કરવામાં આવી રહી છે. ચૈત્ર નવરાત્રી એ ઉત્તર ભારતમાં ભારતીય નવા વર્ષની શરૂઆત છે, જ્યારે મહારાષ્ટ્રમાં ગુડી પડવો ઉજવવામાં આવે છે. કેટલાક રાજ્યોમાં ઉગાદી અને ચેટી ચાંદની પણ ઉજવણી કરવામાં આવી રહી છે. સ્થાનિક બજારની શરૂઆતમાં સેન્સેક્સ-નિફ્ટીમાં મિશ્ર કારોબાર જોવા મળી રહ્યો હતો, પરંતુ બજાર ખુલતાની સાથે જ બંને ઇન્ડેક્સ લીલા નિશાનમાં આવી ગયા છે.

સ્થાનિક બજારની શરૂઆતની સાથે જ બીએસઈનો 30 શેરનો ઈન્ડેક્સ સેન્સેક્સ 170.58 પોઈન્ટ્સ અથવા 0.29 ટકાના વધારા સાથે 58,245.26 પર ખુલ્યો હતો. આ સાથે NSEનો 50 શેરવાળો ઈન્ડેક્સ નિફ્ટી 69.95 અંક એટલે કે 0.41 ટકાના વધારા સાથે 17,177.45 પર ખુલવામાં સફળ રહ્યો છે.