હૃતિક રોશનની રમતમાં ફસાઈ ગયો સૈફ અલી ખાન, 'વિક્રમ વેધા'ના ટ્રેલરમાં દેખાડવામાં આવ્યું જોરદાર એક્શન

જ્યારથી રિતિક રોશન અને સૈફ અલી ખાનની ફિલ્મ વિક્રમ વેધાનું પહેલું પોસ્ટર રિલીઝ થયું છે. ત્યારથી ચાહકો આ ફિલ્મના ટ્રેલરની આતુરતાથી રાહ જોઈ રહ્યા છે. તે અતુરતાનો અંત આવ્યો છે,કારણ કે મોસ્ટ અવેટેડ ફિલ્મ 'વિક્રમ વેધા'નું ટ્રેલર હવે દર્શકોની સામે આવી ગયું છે અને આ ટ્રેલરમાં 'વેધા'નું પાત્ર ભજવનાર હૃતિક રોશન છે. તેઓ સારું પ્રદર્શન કરતા જોવા મળી રહ્યા છે અને બંને વચ્ચે જોરદાર એક્શન જોવા મળી રહી છે.

2 મિનિટ 50 સેકન્ડનું આ ટ્રેલર ખૂબ જ ધમાકેદાર છે. આ ટ્રેલરમાં રિતિક રોશન જબરદસ્ત એક્શન કરતો જોવા મળી રહ્યો છે અને તેણે યુપીની ભાષાને પણ ખૂબ જ સચોટ રીતે પોતાનામાં લાવી છે. વિક્રમ વેધા ના ટ્રેલરમાં, રિતિક રોશન સૈફ અલી ખાનને તેના શબ્દોથી ફસાવીને તેને મૂંઝવણમાં મૂકતો જોવા મળે છે અને તે જ સમયે તેની સાથે મનની રમત રમી રહ્યો છે. ટ્રેલરમાં તેના આવા ઘણા દમદાર ડાયલોગ્સ છે, જે તમને વારંવાર સાંભળવા અને જોવાનું મન થાય છે.

સૈફ અલી ખાનના ટ્રેલરમાં બહુ બધા સંવાદો નથી, પરંતુ સૈફ અલી ખાને પોતાના મજબૂત શરીર, ગંભીર અભિવ્યક્તિ અને વિસ્ફોટક એક્શનથી બધાના દિલ જીતી લીધા છે. આ ટ્રેલરની વચ્ચે રાધિકા આપ્ટે અને સૈફ અલી ખાનનો રોમાંસ પણ બતાવવામાં આવ્યો હતો. આખા ટ્રેલરમાં કહેવામાં આવ્યું છે કે દરેક વસ્તુની બે બાજુ હોય છે અને સત્ય અને અસત્યમાં કોઈ ફરક નથી હોતો. આ ટ્રેલરમાં સત્ય અને અસત્યની ચર્ચા છે.

સૈફ અલી ખાન અને રિતિક રોશન સ્ટારર વિક્રમ વેધા 30 સપ્ટેમ્બરે સિનેમાઘરોમાં રિલીઝ થશે. આ ફિલ્મ પીએસ-1 સાથે સિનેમાઘરોમાં આવશે.