વલસાડ: પેપર મિલમાં દિવાળીની રાત્રીએ લાગી ભીષણ આગ, કરોડો રૂપિયાની નુકશાની

વલસાડ જિલ્લાના વાપી GIDC ખાતે આવેલી શાહ પેપર મિલમાં દિવાળીની રાત્રીએ અચાનક ભીષણ આગ લાગતા દોડધામ મચી ગઇ હતી. શાહ પેપર મિલમાં કરોડો રૂપિયાના પેપરનો જથ્થો મુકેલો હતો. જે બળીને ખાખ થઈ ગયો હતો.

વલસાડ જિલ્લાના વાપી GIDC ખાતે આવેલી શાહ પેપર મિલમાં દિવાળીની રાત્રે અચાનક આગ લાગવાની ઘટના બની હતી. શાહ પેપર મિલમાં આગ લાગવાની ઘટના બનતા આજુબાજુના વિસ્તારોમાં દોડધામ મચી ગઈ હતી. સ્થાનિક લોકો અને કંપની સંચાલકોએ વાપી GIDC ફાયર ફાઈટરની ટીમને બનાવની જાણ કરી હતી. વાપી GIDC ફાયર વિભાગની ટીમે ઘટના સ્થળે પહોંચી મેજર ફાયર કોલ જાહેર કર્યો હતો. જોકે, આગ લાગવાનું ચોક્કસ કરણ હજુ જાણી શકાયું નથી. આગ ઉપર કાબુ મેળવ્યા બાદ FSLની ટીમની મદદ મેળવી આગ લાગવાનું ચોક્કસ કારણ જાણવામાં આવશે તેમ ફાયર વિભાગના જવાનોએ જણાવ્યું હતું. મહત્વનુ છે કે, પેપર મિલમાં કરોડો રૂપિયાના પેપરનો જથ્થો મુકેલો હતો. જે બળીને ખાખ થઈ ગયો હતો.