Connect Gujarat
ગુજરાત

ગીર સોમનાથમાં સોમનાથ મહાદેવ મંદિર ખાતે માસિક શિવરાત્રી મહોત્સવની કરાઈ ઉજવણી

ગીર સોમનાથમાં સોમનાથ મહાદેવ મંદિર ખાતે માસિક શિવરાત્રી મહોત્સવની કરાઈ ઉજવણી
X

સૌ કોઈ જાણે છે કે વર્ષમાં બાર શિવરાત્રી આવે છે. તેમાં બાર શિવરાત્રી પૈકી મહા માસમાં આવતી શિવરાત્રીનું વિશેષ મહત્વ છે. સામાન્યતઃ લોકો માત્ર મહા માસમાં આવતી શિવરાત્રી થી જ પરિચિત હોઈ છે. પરંતુ શિવ ભક્તો માટે વર્ષમાં આવતી પ્રત્યેક શિવરાત્રી ખૂબ જ મહત્ત્વ ધરાવે છે. આ દિવસે ભક્તો ભિન્ન ભિન્ન દ્રવ્ય થી દેવાધિદેવ મહાદેવ પર અભિષેક કરી તેમને રીઝવવા નો પ્રયાસ કરે છે.

ત્યારે ગીર સોમનાથ જિલ્લામાં આવેલ સોમનાથ મહાદેવ મંદિર ખાતે દર માસની તેરસ એટલે કે માસિક શિવરાત્રીએ રાત્રિના દેવાધિદેવ સોમનાથ મહાદેવ પર ભિન્ન ભિન્ન પ્રકારના દ્રવ્યોનો વૈદિક મંત્રોચ્ચાર સાથે અભિષેક કરવામાં આવે છે. ત્યારે સોમવારના રોજ રાત્રીના ૧૨ વાગ્યે સોમનાથ મહાદેવની આરતી કરવામાં આવી હતી. તો સાથેજ માસિક શિવરાત્રિ મહોત્સવની ભાવપુર્ણ ઉજવણી પણ કરવામાં આવી હતી. આ તકે રાજકોટ શહેર પોલીસ કમિશ્નર મનોજ અગ્રવાલ, શહેર ભાજપ આગેવાન નિતિન ભારદ્વાજે સોમનાથ મહાદેવની પૂજા અર્ચના કરી હતી.

Next Story