અનિલ અંબાણીએ રિલાયન્સ પાવર અને આર-ઇન્ફ્રાના ડિરેક્ટર પદેથી રાજીનામું આપ્યું
અનિલ ધીરુભાઈ અંબાણી ગ્રૂપના ચેરમેન અનિલ અંબાણીએ શુક્રવારે રિલાયન્સ પાવર અને રિલાયન્સ ઈન્ફ્રાસ્ટ્રક્ચરના ડિરેક્ટર પદેથી રાજીનામું આપી દીધું છે. અગાઉ, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી) એ અનિલ અંબાણીને સ્ટોક એક્સચેન્જમાં કોઈપણ લિસ્ટેડ કંપનીમાં જોડાવા પર પ્રતિબંધ મૂક્યો હતો.
રિલાયન્સ પાવરે BSE ફાઇલિંગમાં જણાવ્યું હતું કે, નોન-એક્ઝિક્યુટિવ અનિલ અંબાણીએ સેબીના વચગાળાના આદેશના પાલનમાં કંપનીના ડિરેક્ટર પદેથી રાજીનામું આપ્યું છે. રિલાયન્સ ઈન્ફ્રાસ્ટ્રક્ચરે સ્ટોક એક્સચેન્જને એમ પણ જણાવ્યું કે અનિલ અંબાણીએ સેબીના વચગાળાના આદેશ બાદ કંપનીના બોર્ડ ઓફ ડિરેક્ટર્સમાંથી રાજીનામું આપ્યું છે. ફેબ્રુઆરીમાં, સેબીએ રિલાયન્સ હોમ લિમિટેડ, ઉદ્યોગપતિ અનિલ અંબાણી અને અન્ય ત્રણને સિક્યોરિટી માર્કેટમાંથી કથિત રીતે નાણાંની ઉચાપત કરવા પર પ્રતિબંધ મૂક્યો હતો. બંને ADG ગ્રૂપ કંપનીઓએ જણાવ્યું હતું કે રિલાયન્સ પાવર અને રિલાયન્સ ઈન્ફ્રાસ્ટ્રક્ચરના બોર્ડ ઓફ ડિરેક્ટર્સે શુક્રવારે સ્વતંત્ર ડિરેક્ટર તરીકે પાંચ વર્ષના કાર્યકાળ માટે રાહુલ સરીનને વધારાના ડિરેક્ટર તરીકે નિયુક્ત કર્યા હતા. જોકે, આ નિમણૂક હાલમાં સામાન્ય સભામાં સભ્યોની મંજૂરીને આધીન છે.
