Connect Gujarat
સુરત 

સુરત: દિવાળીની રાત્રિએ ગુમ થયેલ અઢી વર્ષની બાળકીનો મળ્યો મૃતદેહ,અપહરણ બાદ હત્યાની આશંકા

દિવાળીની રાત્રે ઘર આંગણે રમતી અઢી વર્ષની બાળકી રહસ્યમય રીતે ગુમ થયેલી આજે વડોદ ગામમાં જ ઝાડીમાંથી મૃત હાલતમાં મળી આવતા ચકચાર મચી જવા પામી

સુરત: દિવાળીની રાત્રિએ ગુમ થયેલ અઢી વર્ષની બાળકીનો મળ્યો મૃતદેહ,અપહરણ બાદ હત્યાની આશંકા
X

સુરતના પાંડેસરા વડોદ ગામમાંથી દિવાળીની રાત્રે ઘર આંગણે રમતી અઢી વર્ષની બાળકી રહસ્યમય રીતે ગુમ થઈ ગઈ હતી. આજે વડોદ ગામમાં જ ઝાડીમાંથી બાળકી મૃત હાલતમાં મળી આવતા ચકચાર મચી જવા પામી છે

સુરતના પાંડેસરા વિસ્તારમાં વડોદ ગામમાં અઢી વર્ષની બાળકી દિવાળીની રાતથી ગુમ થઈ હતી. બાળકીના પિતા મિલમાં મજૂરી કામ કરે છે. બે બાળકીઓમાં આ મોટી દીકરી હતી. ઘર આંગણે રમતા રમતા ગુમ થઈ ગઈ હતી. ઘરની આજુબાજુ ઝાડી-જંગલ છે, પોલીસ બધા જ કામ છોડીને દીકરીને રાત-દિવસથી શોધી રહી હતી. બાળકી જ્યાંથી ગુમ થઈ હતી ત્યાં આજુબાજુના સીસીટીવી પણ ચેક કરાયા હતા.PCB, DCB સહિતની ટીમો તહેવારો છોડી કામે લાગી હતી.100થી વધુ પોલીસ જવાન દીકરીના ફોટો લઈ ગલી ગલીએ ફરી હતી. ત્યારે વડોદ ગામમાં ઝાડીમાંથી બાળકીનો મૃતદેહ મળી આવ્યો હતો. જેથી પોલીસ અધિકારીઓનો કાફલો ઘટના સ્થળે પહોંચ્યો હતો અને અપહરણ તેમજ હત્યાની દિશામાં વધુ તપાસ હાથ ધરી છે. અત્રે ઉલ્લેખનિય છે કે, બાળકી રમતા રમતા ક્યાંય ચાલી ગઈ કે માસૂમ બાળકીનું અપહરણ કરાયું એ વાતને લઈ શ્રમજીવી પરિવાર જ નહીં પણ પોલીસે પણ ચિંતા વ્યક્ત કરી હતી.

Next Story