વડોદરા : આખલાની તાકાત જોઇ તમે દંગ રહી જશો, 10 માણસોને પણ ન ગાંઠયો

વડોદરા શહેરમાં રખડતા ઢોરોનો આતંક વધી રહયો છે ત્યારે અમે તમને બતાવીશું કે આખલાની તાકાત શું હોય છે....

author-image
By Connect Gujarat in વડોદરા સમાચાર
New Update

વડોદરા શહેરમાં રખડતા ઢોરોનો આતંક વધી રહયો છે ત્યારે અમે તમને બતાવીશું કે આખલાની તાકાત શું હોય છે....

Advertisment

વડોદરા શહેરમાં દિન પ્રતિદિન રખડતા પશુઓનો ત્રાસ વધી રહયો છે. આ પશુઓ અત્યાર સુધીમાં અનેક લોકોને યમ સદન અથવા તો હોસ્પિટલના બિછાને પહોંચાડી ચુકયાં છે. રખડતા ઢોરોને પકડવા માટે ઢોર પાર્ટીઓ સતત કાર્યરત છે તેમ છતાં મોટા ભાગના રસ્તાઓ પર રખડતા પશુઓ તમને મળી જશે. રખડતા ઢોરો વાહનચાલકો અને રાહદારીઓ માટે માથાના દુખાવા સમાન બની ગયાં છે.

વડોદરામાં બે દિવસ પહેલા બનેલી ઘટનાના સીસીટીવી સામે આવ્યાં છે. ઢોર પાર્ટીના માણસો એક આખલાને પકડવા માટે તેની પાછળ દોડે છે પણ આખલો દોડતો દોડતો ગોયાગેટ સોસાયટીમાં ઘુસી જાય છે. ઢોર પાર્ટીના 10થી વધારે માણસો આખલાને ઘેરીને તેને દોરડાથી બાંધવાનો પ્રયાસ કરે છે પણ આખલો એવી દોટ મુકે છે કે લોખંડનો દરવાજો પણ તુટી જાય છે..

વડોદરા શહેરના લોકોને ક્યારે રસ્તા ઉપર રખડતી ગાયોથી મુક્તિ મળશે તે કહેવું મુશ્કેલ છે. હા એ વાત ચોક્કસ છે કે, શહેરના લોકોને વાહન અકસ્માતના ડર કરતાં માર્ગો ઉપર રખડતી ગાયોના હુમલાનો ડર વધારે લાગી રહ્યો છે.

#DrShaliniAgrawal #Attack #bull #VadodaraMunicipalCorporation #BeyondJustNews #CCTV #Vadodara #BullAttack #Cattel #MayorVadodara #KeyurRokadia #GoyaGateSociety #viralvideo #SimaMohile #ConnectGujarat
Advertisment
Related Articles
Read the Next Article

વડોદરા : આશાવર્કર બહેન પર દુષ્કર્મનો પ્રયાસ, યુવકે સરકારી આરોગ્ય કેન્દ્રમાં જ યુવતી પર હુમલો

વડોદરા સાવલીમાં ધોળે દહાડે યુવક સરકારી દવાખાનામાં ઘુસી જઈને યુવતી પર મરચાની ભૂકી નાખીને હુમલો કર્યો હતો ,અને કપડા ફાડી નાખી દુષ્કૃત્યનો પ્રયાસ કર્યો

author-image
By Connect Gujarat Desk in વડોદરા સમાચાર
New Update

  • આશાવર્કર બહેન પર દુષ્કર્મનો પ્રયાસ

  • સરકારી આરોગ્ય કેન્દ્રમાં બની ઘટના

  • ભાજપના મહિલા હોદ્દેદારના પુત્રી સાથે બની ઘટના

  • આંખમાં ભૂકી નાખી આશાવર્કર બહેન સાથે દુષ્કર્મનો પ્રયાસ

  • સાવલી પોલીસે ફરિયાદ દર્જ કરીને તપાસ કરી શરૂ 

Advertisment

વડોદરામાં આશાવર્કર બહેન પર એક નરાધમ યુવક દ્વારા હુમલો કરવામાં આવ્યો હોવાની ઘટનાએ ચકચાર જગાવી છે. યુવક સરકારી દવાખાનામાં ઘુસી જઈને યુવતી પર મરચાની ભૂકી નાખીને હુમલો કર્યો હતો ,અને કપડા ફાડી નાખી દુષ્કૃત્યનો પ્રયાસ કર્યો હતો.ઘટના અંગે પોલીસ દ્વારા વધુ તપાસ શરૂ કરવામાં આવી છે.

વડોદરા જિલ્લાના સાવલીમાં ધોળે દહાડે સરકારી દવાખાનામાં ઘૂસીને આશા વર્કર બહેન સાથે દુષ્કર્મનો પ્રયાસ આચરવામાં આવ્યો હતો.પીડિતા આશા વર્કર બહેને આરોપ લગાવ્યો હતો કે આરોપી તેમનો પરિચિત છે અને તેમને દુશ્મન ગણે છે. તે વારંવાર આ પ્રકારની હરકતો કરી રહ્યો છે. આરોપી પાનના ગલ્લાની આડમાં બે નંબરી ધંધો ચલાવતો હોવાનો પીડિતાએ આક્ષેપ પણ કર્યો હતો.

સરકારી આરોગ્ય કેન્દ્રમાં ઘૂસીને મહિલાને માર મારીને તેના પર દુષ્કર્મ આચરવાનો પ્રયાસ કરવાનો યુવક પર ગંભીર આરોપ લગાવવામાં આવ્યો છે. આ ઘટનાને પગલે પંથકમાં ભારે ખળભળાટ મચી જવા પામ્યો છે.આ ઘટનામાં પીડિતાને ઈજાઓ પહોંચતા સયાજી હોસ્પિટલમાં સારવાર કરવામાં આવી હતી. પીડિતા ભાજપની મહિલા કાર્યકર્તાની દીકરી હોવાનું જાણવા મળ્યું છે.હાલ પોલીસે પીડિતાની ફરિયાદને આધારે સાવલી પોલીસે તપાસના ચક્રો ગતિમાન કર્યા છે.

#Attempted rape #Vadodara News #crime news #gujarat crime news #રેપ કેસ
Advertisment
Latest Stories