ડાયાબિટીસ કિડની-હાર્ટની દવાની કિમતમાં થશે ઘટાડો, સરકાર મોટો નિર્ણય લેવાની તૈયારીમાં

કેન્દ્ર સરકારના સ્વાસ્થ્ય મંત્રાલયના જણાવ્યા અનુસાર દેશમાં સુગર, હાર્ટ અને કિડનીની સારવાર માં વપરાતી ઘણી મહત્વની દવા ટૂંક સમયમાં સસ્તી બની શકે છે. કેન્દ્ર સરકારે આ દવાઓની કિંમતોમાં ઘટાડો કરવા માટે ટ્રેડ માર્જિન ફિક્સ કરવાની તૈયારી કરી છે.

ટ્રેડ માર્જિન પર ડ્રગ પ્રાઇસ વોચડોગ નેશનલ ફાર્માસ્યુટિકલ પ્રાઇસિંગ ઓથોરિટી છેલ્લા ઘણા મહિનાઓથી આ યોજના પર કામ કરી રહી છે.ટ્રેડ માર્જિનને તબક્કાવાર તર્કસંગત બનાવવામાં આવશે અને ફાર્માસ્યુટિકલ ઉદ્યોગને સમગ્ર પ્રક્રિયાના અમલ માટે સમય આપવામાં આવશે જેથી ફાર્માસ્યુટિકલ ઉદ્યોગ જરૂરી ફેરફાર કરી શકે. સૂત્રે જણાવ્યું હતું કે સરકારે કેન્સર વિરોધી કેટેગરીની દવાઓના માર્જિનમાં પહેલેથી જ ઘટાડો કર્યો છે. એ જ રીતે, આ વખતે એન્ટિ-ડાયાબિટીક અને કિડનીના રોગોને લગતા દવાઓનું માર્જિન ઘટશે. નોંધપાત્ર રીતે, 2018-19માં, NPPA એ 42 બિન-શિડ્યુલ્ડ એન્ટી-કેન્સર દવા પર ટ્રેડ માર્જિન ઘટાડ્યું હતું. કેન્દ્રીય સ્વાસ્થ્ય મંત્રી મનસુખ માંડવિયાએ લોકસભામાં જણાવ્યું હતું કે સરકારના આ પગલાને કારણે આ દવાઓની 526 બ્રાન્ડની MRP 90 ટકા ઘટી ગઈ છે.